Қазақстанда коронавирустан емделіп жатқандардың арасында 21 науқастың жағдайы ауыр
НҰР-СҰЛТАН. Қазақстанда осы уақытта коронавирустан 9319 адам емделіп жатыр, деп хабарлайды ҚазАқпарат ҚР Денсаулық сақтау министрлігінің Telegram каналына сілтеме жасап.
Ондағы мәліметтерге қарағанда, коронавирустан емделіп жатқандардың арасында 456 бала бар. Стационарларда 3 126 науқас жатыр. 6 193 адам амбулаториялық жағдайда емделуде.
Жалпы науқастардың арасында 220 адамның денсаулық жағдайы нашар. Соның ішінде 21 науқастың жағдайы аса ауыр деп бағалануда. 23 науқас жасанды тыныс алу аппаратында жатыр.
