Қазақстанда мейрамханалар көбейіп жатыр
АСТАНА. KAZINFORM — Қазақстанда пайдалануға беріліп жатқан мейрамханалардың саны өсіп келеді. I тоқсанда жаңа құрылыс аяқталғаннан кейін қабылдау актілерін 15 мейрамхана алды. Бұл кем дегенде жеті жылдағы қарастырылып отырған кезеңнің ең жоғары мәні, деп хабарлайды DATA HUB.
ҚР СЖРА ҰСБ мәліметтерінің негізінде жасалған есептеулерге сәйкес, 2025 жылдың қаңтар-наурызымен салыстырғанда бұл көрсеткіш жартылай өсті.
Пайдалануға берілген мейрамханалардағы отыратын орындардың жалпы саны 4,3 мың бірлікті құрады — бұл өткен жылмен салыстырғанда екі есеге жуық. Сегіз жылдағы I тоқсанның максимумы туралы әңгіме болып отыр. Сонымен қатар, отыратын орындардың статистикасы жаңадан салынған да, қайта жаңартылған да нысандарды қамтитынын есте ұстаған жөн. Сондықтан пайдалануға енгізілген бір мейрамхананың орташа сыйымдылығын анықтау мүмкін емес — мұндай есептеулер үшін деректер жеткіліксіз.
Отыратын орындардың тоқсандық іске қосылуы 2025 жылдың әсерлі мәндерінен кейін жоғары деңгейде қалып отыр — жалпы оның қорытындысы бойынша бұл көрсеткіш 53%-ға өсті. Осылайша, ұлттық статистика бюросының ақпаратына сүйене отырып, Қазақстандағы мейрамхана бумының жалғасы туралы қорытындыға келуге болады.
Айта кетейік, 4,3 мың отыратын орынның жалпы нақты құны 9,5 млрд теңге сомасында қалыптасты — бір орын үшін орта есеппен 2,2 млн теңге. Мейрамханалардың пайдалануға енгізілуін ресми статистика сегіз өңірде тіркейді. Олардың ішінде ең қымбат отыратын орындар Шығыс Қазақстан (орта есеппен бір орын үшін 8 млн теңге) және Түркістан (7,9 млн теңге) облыстарында кездеседі.
Отыратын орындардың саны бойынша көшбасшы Жамбыл облысы (1,2 мың), одан кейін Алматы облысы (1,1 мың) және Атырау облысы (0,7 мың). Аталған сегіз өңірдің ішінде республикалық маңызы бар қалалардың ішінен тек Шымкент қана бар, онда жаңадан салынған және қайта жаңартылған мейрамханаларда 0,4 мың отыратын орын пайдалануға берілді.
Айта кетейік, мейрамханаларды пайдалануға енгізу бумымен қатар кафелерді пайдалануға беру бумы да жалғасуда. Қаңтар-наурыз айларында жаңа құрылыстың нәтижесінде пайда болған осындай 21 мекемеге қабылдау актілері берілді. Пайдалануға енгізілген кафелердегі орындардың саны 2,5 мыңға жетті (ж/ж +51%), осылайша 10 жылдағы I тоқсанның рекорды жаңартылды.
Бұдан бұрын биыл мектеп бітіру кештерін мейрамханада өткізуге рұқсат беріле ме деген сауралға жауап алдық.
