Қазақстанда мұражай мамандарын даярлауды шұғыл қолға алу керек - профессор Ханкелді Әбжанов

АСТАНА. ҚазАқпарат - Музей қызметкерлерінің 90 пайызы осы саланың мамандары емес. Бұл туралы бүгін Орталық коммуникациялар қызметіндегі баспасөз мәслихатында т.ғ.д., профессор, «Ш.Уәлиханов атындағы тарих және этнология институты» РМҚК директоры Ханкелді Әбжанов мәлім етті.

«Қазақстанда мұражайлар құрылысында өте жақсы нәтижелер бар, бірақта бұл салада назар аударатын бөлек мәселелер бар. Мұражай ісінде біріншіден бізге керегі музей қызметкерлерінің сапасын арттыруға байланысты болып отыр. Бүгінде, яғни тарихшылар мен әдебиетшілер қызмет етуде. Қазақстанда мұражай мамандарын даярлауды шұғыл қолға алу керек», - деді ғалым.

Осы орайда ол жылына 15 баланы қабылдап, бұл мәселе шешілмейтінін атап өтті.

«Қай саланы зерттеп қарасақ та, саланың тағдырын негізінен мамандар шешеді», - деді Х. Әбжанов.