Қазақстанда Орталық Азиядағы тұңғыш мамандандырылған сценарийлік агенттік құрылды
АЛМАТЫ. 23 қыркүйек. ҚазАқпарат - Киносценарийшілер туралы толық ақпарат ұсынылған ашық үлгідегі мамандандырылған сценарийлік агенттік әзіргі таңда ТМД елдерінде жоқ.
«Бүгін Алматыда жаңадан құрылған Lumiere сценарийлік агенттігінің басшылары осылай мәлімдеді. «Lumiere - қазіргі таңда Орталық Азиядағы алғашқы әрі бірден-бір мамандандырылған сценарийлік агенттік. Біздің мақсатымыз - киносценарийшілердің кәсіби деңгейін арттыру үшін кинодраматургия шеберлерінің басын біріктіру арқылы барлық кинематографиялық өнімнің сапасы мен бәсекеге қабілеттілігін жақсартуға септігімізді тигізу», - дейді агенттік төрағасы Жайық Сыздықов. Оның айтуынша, Ресейдегі агенттік кәсіпқойлармен жұмыс жасайды. Ал қазақстандық агенттік ашықтықты басшылыққа алады, әуесқой сценарийшілермен де бірлесіп жұмыс жасамақ. Сондай-ақ олардың құқығын қорғайтын болады.
