Қазақстанда РФ азаматы зымыран тауып алып, оны үйіне алып кеткеннен кейін ғана құтқарушыларға хабар берді

АСТАНА. 9 мамыр. ҚазАқпарат - Қарағанды облысының Приозерск қаласында Ресей Федерациясының азаматы жексенбі күні жергілікті дәмхана жанынан зымыранның қосалқы бөлшегін тауып алып, оны үйіне алып кеткеннен кейін ғана құтқарушыларға хабар берді.

Құтқарушылар зымыран орналасқан үйден дереу 45 адамды қауіпсіз жерге шығарды, оның 15-і - балалар. Зымыранның бөлігі ҚР Қорғаныс министрлігінің №14805 әскери бөлімінің мамандарымен жойып жіберу үшін тәркіленді.