Қазақстанда сәрсенбі күні ауа райының тұрақсыз сипаты күтіледі, кей жерлерде жаңбыр жауады

АСТАНА. ҚазАқпарат - Қазақстанның басым бөлігінде атмосфералық ағындардың өтуімен ауа райының тұрақсыз сипаты күтіледі, кей жерлерде күн күркіреп, өткінші жаңбыр жауады, республиканың оңтүстік-батысында шаңды дауыл көтеріліп, солтүстігінде - түнде және таңертең тұман түседі, топырақ беті қатып, күндіз шығыста бұршақ жауады.
None
None

Оңтүстік пен оңтүстік-шығыста ғана күн райы ашық болады, деп хабарлады ҚР ІІМ төтенше жағдайлар комитеті Қазгидрометке сілтеме жасап.

Жамбыл, Оңтүстік Қазақстан, Ақтөбе облыстарында, түнде Алматы, күндіз Маңғыстау облыстарында желдің күші 15-20 м/с-қа жетеді, Маңғыстау облысында шаңды дауыл көтеріледі. Шығыс Қазақстан облысында кей жерлерде желдің күші 15-20 м/с-қа жетіп, күндіз бұршақ жауады. Ақмола, Қостанай, Солтүстік Қазақстан облыстарында кей жерлерде түнде және таңертең тұман түседі, желдің екпіні 15-20 м/с-қа дейін күшейеді.

Түнде Ақмола облысында топырақтың беті 0-2 градусқа дейін қатады.

Күндіз Атырау, Ақтөбе облыстарында, Маңғыстау облысының кей жерлерінде күшті ыстық болады.

Республиканың оңтүстігінде, батысының кей жерлерінде, солтүстік-батысында, шығысында және орталығында өте жоғары өрт қаупі сақталады.

Соңғы жаңалықтар