Қазақстанда шетелдік тіке инвестициялардың көлемі 10 миллиард долларға жетті
АЛМАТЫ. 9 қараша. ҚазАқпарат /Ерлік Ержанұлы/ - Қоржындық инвестициялар бойынша нетто-ағын алдын ала деректер бойынша 7,1 миллиард доллар болды.
Бұл жайлы ҚР Ұлттық банк төрағасы Григорий Марченко бүгін Алматыда өткізген баспасөз мәслихаты кезінде айтты.
Алдын ала бағалау бойынша 9 айда қаржы шоты бойынша нетто-ағын 2-3 тоқсандардағы операцияларға негізделіп 4,9 миллиард доллар мөлшерінде қалыптасты. Шет елге тікелей инвестициялар бойынша 3,7 миллиард доллар нетто-ағын акционерлік капиталдың өсуімен қамтамасыз етілді.
Г. Марченконың айтуынша, Қазақстанға шетелдік тіке инвестициялардың таза түсуі 2010 жылғы қаңтар-қыркүйектегі 8,7 миллиардқа қарағанда 10 миллиард долларға жетті. Соның нәтижесінде тікелей инвестициялау бойынша оң баланс 9 айда 6,3 миллиард долларды құрады.
Қоржындық инвестициялар балансы Ұлттық қордың шетелдік активтерінің 7,5 миллиард доллардан астамға ұлғаюымен сипатталады. Сондай-ақ 9 айда банктердің шетелдік активтерінде де өсу аңғарылды. Бұл шетелдік шоттардағы активтерінің өсуі және несиелер мен заемдар бойынша міндеттемелерінің азаюынан да байқалады. 3 тоқсанда банктердің операциялары бойынша нетто-әкету алдын ала деректер бойынша 2,5 миллиард доллардан асты.
