Қазақстанда шетелдік төрт ЖОО-ның филиалы ашылады
АСТАНА. KAZINFORM – Шетелдік танымал 12 университеттің филиалы Қазақстанда ашылды. Бұл туралы Ғылым және жоғары білім министрі Саясат Нұрбек мәлім етті.
«Қазақстанда қазірдің өзінде мықты шетелдік университеттердің 12 филиалы ашылды. Биыл тағы төртеуі ашылады. Біріншіден, өте жақсы жаңалық бар. Гонконг қалалық университеті (City university of Hong Kong) әлемдік рейтингте 82-орында. Оның филиалы Сәтбаев университеті базасында жұмысын бастайды», - деді С. Нұрбек Парламент Мәжілісінде тілшілер сұрағына жауап бере отырып.
Сонымен қатар ол Алматыда Пенсильвания университетінің филиалы ашылатынын айтты.
«Аграрлық университеттің базасында бұрыннан аты шыққан Ташкент ирригация инженерлері институты ашылады», - делі министр.
