Қазақстанда соңғы 5 жылда 160 «жалған лаңкес» қылмыстық жауапкершілікке тартылған - прокуратура
АСТАНА. ҚазАқпарат - Қазақстанда соңғы 5 жылда 160 адам «жалған лаңкестік» әрекеті үшін жазаға тартылған, деп хабарлайды Қостанай облыстық прокуратурасының баспасөз қызметі.
Ведомствоның мәліметінше, соңғы жылдарда телефон арқылы хабарласып, орнатылған жарылғыш зат туралы жалған ақпарат тарату әрекеті жиілеп кеткен.
«ҚР ҚК-нің 242 бабымен қарастырылатын қылмыс ретінде террористік акт жайында көрінеу жалған ақпарат тарату екі жүзден бес жүз АЕК көлемінде айыппұлмен немесе жеті жылға дейін бас бостандығын шектеумен, я болмаса алты жылға дейін бас бостандығынан айыру жазасы беріледі, сондай-ақ, аталған бабтың санкиясы қатаңдатылып, бұл әрекеттер аса ауыр қылмыстар санатына енгізілді», - делінген хабарламада.
Айта кетейік, қазір заманауи техникалық мүмкіншіліктердің арқасында осындай қылмыстар ізі суымай ашылып, айыптылар заң бойынша жазаларын алуда.
