Қазақстанда тауық саңғырығынан биогаз өндіретін зауыт ашылмақ

АСТАНА. ҚазАқпарат - Солтүстік Қазақстан облысында тауық көңінен жылына 9 мың текше метр газ шығара алатын қондырғы орнатылуда. Бұл туралы бүгін Астанада Орталық коммуникациялар қызметінде өткен баспасөз мәслиxатында Солтүстік Қазақстан облысының индустриалдық-инновациялық даму басқармасының басшысы Жанат Сәдуақасов мәлім етті.

Қазақстанда тауық саңғырығынан биогаз өндіретін зауыт ашылмақ

«Биогаз қондырғысына келетін болсақ, ауылдардың бірінде «Биотек» ЖШС биогаз өндіретін қондырғыны салуда. Желтоқсан айында пайдалануға беріледі. Инвестиция 1 млрд. теңге салынды. Тауық көңінен газ, электр энергиясы шығарылады, ол қондырғы жылына шамамен 600 млн. кВт энегрия мен 9,6 мың текше метр газ өндіреді», - деп атап өтті Ж. Сәдуақасов.

Сонымен қатар басқарма басшысының айтуынша, облыста авиациялық зауыт салу көзделген.

 «Қызылжаринвест-2016» форумы шеңберінде біз қазақстандық авиациялық зауыты мен Бериев атындағы Таганрог ғылыми-теxникалық кешенімен келісімшарт жасалды. Қазіргі уақытта ұшақтарды құрастыру бойынша теxникалық-экономикалық негіздемесі жасалуда. Қараша айында ресейлік тараптан біздің облысқа теxникалық ұжым келеді, сол кезде нақты осы сұрақты пысықтайтын боламыз», - деді ол.