Қазақстанда тұрғын үй төлемақысы кімдерге беріледі

АСТАНА. KAZINFORM – Қазақстандықтар коммуналдық қызмет тарифі көтерілген жағдайда тұрғын үй көмегіне жүгіне алады. Төлемнің кімдерге тиесілі екенін Премьер-министрдің орынбасары Қанат Бозымбаев айтып берді.  

- Коммуналдық қызмет тарифі жиынтық отбасылық кірістер шығынынан 5 немесе 10%-дан асқан жағдайда тұрғын үй көмегі төлемі тағайындалуы мүмкін. Бірақ, барлық қазақстандыққа бірдей төленбейді, - деді Қанат Бозымбаев Үкімет үйінде өткен баспасөз мәслихатында.

Сондай-ақ БАҚ өкілдері вице-премьерге бюджет қаражаты барлық төлем алушыға жеткілікті ме деген нақтылау сауалын қойылды. 

- Әрине, біз белгілі бір санаттағы азаматтарды, яғни отбасыны қарастырамыз, қолдан келеді деп ойлаймын, - деп толықтырды Үкімет басшысының орынбасары. 

Бұған дейін Қанат Бозымбаев елімізде қуаты 7 300 мегаватт электр желісі салынатыны туралы мәлімдеген еді.