16:51, 06 Тамыз 2019 | GMT +6
Қазақстанда валюта айырбастау орындарының жұмыс уақыты қысқаруы мүмкін
НҰР-СҰЛТАН. ҚазАқпарат – ҚР Ұлттық банкінің ресми сайтында «Қазақстан Республикасында қолма-қол шетел валютасымен айырбастау операцияларын ұйымдастыру қағидаларын бекіту туралы» ҚР ҰБ басқармасының №49 қаулысына өзгерістер мен толықтырулар енгізу туралы» қаулы жобасы жарияланды, деп хабарлайды ҚазАқпарат.
Қаулы жобасына сәйкес, ақша айырбастау бекеттерінің жұмыс уақытын қысқарту жоспарланған.
Ол үшін қағиданың 33-тармағы 2-тармақшамен толықтырылады.
«Айырбастау пунктінің (автоматтандырылған айырбастау пунктінің) жұмыс режімі қолма-қол шетел валютасымен айырбастау операцияларын жүзеге асыруға құқығы бар заңды тұлға 10 сағат 00 минуттан 19 сағат 00 минутқа дейінгі уақыт шегінде дербес анықтайды», делінген құжаит жобасында.