Қазақстанда жарты жылда 37 кафе-ресторан ашылған

Жарты жыл ішінде Қазақстанда 37 дәмхана пайдалануға берілген. ҚазАқпарат бұл туралы ұлттық статбюроға сілтеме жасап хабарлайды.

2023 жылдың қаңтар-маусым аралығында Қазақстанда 2500 орындық 37 дәмхана пайдалануға берілді.

Салыстыратын болсақ, өткен жылы жарты жыл ішінде 26 дәмхана іске қосылған.

Пайдалануға берілген нысандардың нақты құны — 5,6 млрд теңге.

Өңірлік бөліністе дәмхананың ең көбі Абай мен Түркістан облыстарында ашылды — сәйкесінше 8 және 13 нысан.

Сондай-ақ алты ай ішінде 735 орындық 6 асхана және 60 орынға есептелген 2 жылдам тамақтану кәсіпорны қолданысқа берілді.