Қазақстандағы Азиада-2011 ойындарында спорттың 11 түрінен жарыстар өткізілмек - Синьхуа агенттігі

АСТАНА. Мамырдың 29-ы. ҚазАқпарат – Қазақстанның елордасы Астана мен Алматыда 2011 жылғы Азиада ойындарының басталуына 597 күн қалды. Қытайдың Синьхуа агенттігі өз жаңалықтар ағынында осындай ақпарат берді,

деп хабарлайды ҚазАқпарат. Ұйымдастырушылардың мәліметтеріне сілтеме жасай отырып, Синьхуа агенттігі Азиада ойындарында спорттың 11 түрі бойынша 69 медальдар жиынтығы сарапқа салынатынын келтірген. Олардың ішінде Азия олимпиадалық кеңесінің жарғылық құжаттарына сәйкес міндетті шаңғы жарысы, коньки спорты, хоккей және мәнерлеп сырғанау енгізілген. Азиада-2011 Ойындарына республикаға 45 елдің спорт қозғалысы өкілдерінің келуі күтілуде.