Қазақстандағы қоғамдық бақылау жүйесін дамыту сарапшылар клубының отырысында талқыланды
Шараны ҚР Мәдениет және спорт министрлігінің қолдауымен «Саясаттанушылар конгресі» РҚБ ұйымдастырды.
Сарапшылар клубының жиынына қазақстандық саясаттанушылар мен әлеуметтанушылар, сонымен бірге Қырғызстан және Ресей сарапшылары қатысты.
Отырыста Қазақстандағы қоғамдық бақылау жүйесін дамытудың негізгі мәселелеріне ғылыми сараптама жүргізілді.
Сарапшылар «100 нақты қадам» Ұлт жоспарында қарастырылған қоғамдық бақылау механизмдерін енгізу алға бастайтын қадам екенін атап өтті.
«Қоғамдық кеңестер туралы» ҚР Заңы қабылдануының маңызы аталып өтілді. Бұл мемлекеттік қызметкерлер қызметінің ашықтығы мен тиімділігін арттыруға мүмкіндік береді.
Отырысқа қатысушылар қоғамдық бақылаудың күшеюі мемлекет пен қоғамның жаңғыру үдерісінің маңызды бөлігі екенін атап көрсетті.