Қазақстандағы Қырғызстан азаматтары президенттік сайлауда Астанадағы елшілікте дауыс бере алады
АСТАНА. 14 қазан. ҚазАқпарат - Қазақстанда тұратын Қырғызстан азаматтары алдағы 30 қазан күні өтетін президенттік сайлауда өз елдерінің Астанадағы елшіліктерінде дауыс бере алады.
«Казахстанская правда» газетінде жарияланған Қазақстан Республикасындағы Қырғызстан Республикасы елшілігінің хабарламасына сүйенсек, елшілікте №028-ші учаскелік сайлау комиссиясы құрылды. Онда Қырғызстан азаматтары сағат 08:00-ден 19:00-ге дейін дауыстарын бере алады.
Қырғызстан президентін сайлау 2011 жылдың 30 қазанына белгіленді. Осы уақытта мемлекеттің басшылығына 20 адам үміткер.
