Қазақстандағы жұмыссыздық деңгейі 5,3 пайызды құрап отыр

АСТАНА. 14 мамыр. ҚазАқпарат - 2012 жылғы сәуірдегі жұмыссыздар саны бағалау бойынша 475 мың адамды құрады.

Бұл туралы бүгін Астанада өткен брифингте ҚР Статистика агенттігінің төрағасы Әлихан Смайылов мәлім етті.

«Жұмыссыздық деңгейі экономикалық белсенді халық санына шаққанда 5,3% құрады. Жұмыспен қамту органдарында жұмыссыздар ретінде тіркелгендер саны 2012 жылғы сәуірдің соңына 68,1 мың адамды құрады немесе экономикалық белсенді халық санына 0,8% болды. Жасырын жұмыссыздық деңгейі бағалау бойынша экономикалық белсенді халық санының 0,4% құрады», - дейді Ә. Смайылов.