Қазақстандық бадминтоншы Нигериядағы турнирде жүлде еншіледі
АСТАНА. KAZINFORM — Дмитрий Панарин Lagos International Classics 2026 турнирінде қола жүлдегер атанды, деп хабарлайды ҰОК баспасөз қызметі.
Бадминтоннан Қазақстан құрамасының өкілі Дмитрий Панарин Нигерияның Лагос қаласында өткен Lagos International Classics 2026 халықаралық турнирінде қола жүлдеге ие болды.
Дмитрий Панарин Үндістан өкілі Пранаув Рам Нагалингамды 2:1 (19:21, 21:11, 21:10) есебімен жеңіп, жарысты сәтті бастады. Кейін нигериялық Саиду Алиуды 2:0 (21:8, 21:12) есебімен ұтты.
Ширек финалда қазақстандық спортшы Біріккен Араб Әмірліктерінің өкілі Шашаанк Саи Муннангиден 2:0 (22:20, 21:14) басым түсіп, жартылай финалға жолдама алды.
Жартылай финалда Панарин Үндістан өкілі Танкaра Гнана Датту Таласиламен кездесті. Тартысты өткен матчта қарсыласы 2:1 (21:19, 20:22, 21:1) есебімен жеңіске жетті.
Осылайша, Дмитрий Панарин турнирді қола медальмен аяқтады.
Осыдан бұрын Қазақстан құрамасы бадминтоннан Түркиядағы турнирде қола жүлдеге ие болғанын жазғанбыз.
