Қазақстандық футболшы командасын Португалия құрамасының экс-бапкері жаттықтырады
Португалиялық маман Фернанду Сантуш «Бешікташ» футбол клубының бас бапкері болып тағайындалды. Kazinform бұл туралы Prosports.kz-ке сілтеме жасап хабарлайды.
Жаңа жаттықтырушы жөнінде клубтың ресми парақшасында хабарлама шықты.
«Команданың бас бапкері болып португалиялық Фернандо Сантуш тағайындалды», - делінген хабарламада.
Еске салсақ, Сантуштың жетекшілігімен Португалия құрамасы 2016 жылы Еуропа чемпионы атанды.
Айта кетейік, «Бешикташ» сапында қазақстандық Бақтиер Зайнутдинов өнер көрсетеді.
