Қазақстандық мергендер Азиадада жүлдеге бір қадам жетпей қалды
АСТАНА. KAZINFORM — Жапонияда өтіп жатқан ХХ жазғы Азия ойындарында нысана көздеуден кезекті жарыстың жүлдегерлері анықталды, деп хабарлайды Спортты дамыту дирекциясының баспасөз қызметі.
25 метр қашықтықтан жылдам ататын тапаншамен нысана көздеуден ерлер арасындағы командалық жарыста Қазақстан құрамасы (Артемий Кабаков, Никита Чирюкин, Кирилл Цуканов) жүлдеге бір қадам ғана жетпей қалды.
- Оңтүстік Корея — 1749 ұпай
- Қытай — 1740 ұпай
- Индонезия — 1720 ұпай
- 4-орын. Қазақстан — 1711 ұпай
Ал жекелей сында Қазақстан атынан Никита Чирюкин финалда өнер көрсетіп, жарысты 8-орынмен аяқтады.
Бұл сайыста Оңтүстік Корея спортшысы алтын медаль иеленсе, Қытай өкілі күміс жүлдеге қол жеткізді. Ал үздік үштікті Пәкістан спортшысы түйіндеді.
