Қазақстандық спортшы Альфия Тілекқабыл пара дзюдодан әлем чемпионы атанды
АСТАНА. KAZINFORM — Грузияның Тбилиси қаласында пара дзюдодан әлем чемпионаты басталды. Жарыстың алғашқы күнінде Қазақстан құрамасы бір алтын, біркүміс және бір қола медаль жеңіп алды.
J1 санатында 52 келіге дейінгі салмақ дәрежесінде өнер көрсеткен қазақстандық спортшы Альфия Тлекқабыл финалдық белдесуде Бразилия өкілі Де Андрадені иппон әдісімен жеңіп, әлем чемпионы атанды.
Сондай-ақ, J1 санатында 70 келіге дейінгі салмақта Алықын Нұрдәулетов күміс жүлдеге ие болды.
Ал J2 санатында 70 келіге дейінгі салмақта ел намысынқорғаған Ибрагим Нұрмаханұлы әлем чемпионатының қола жүлдесін еншіледі.
Айта кетейік, көру қабілеті бұзылған спортшылар арасындағы пара дзюдодан әлем чемпионаты 25-27 қыркүйек аралығында Тбилиси қаласында өтуде. Байрақты бәсекеге әлемнің 44 елінен 290 спортшы қатысып жатыр.
Айта кетелік қазақстандық спортшылардың 27 қыркүйектегі жарыс кестесі жарияланған еді.
