Қазақстандық теннисшілер Шымкент турнирінің жеңімпазы атанды

ШЫМКЕНТ. KAZINFORM — Қазақстандықтар Асылжан Арыстанбекова – Сандуғаш Кенжебаева жұптық сында Шымкент ITF W15 турнирінің чемпионы атанды.

Қазақстандық жұп финалға барар жолда үш кездесуін жеңіспен аяқтады.

Соның ішінде ширек финалда жарыстың 1-ракеткалары, ресейлік Ксения Ласкутова – қазақстандық Аружан Сағындықованы тартысты бәсекеде қапы қалдырды – 6:2, 3:6, 10:5.

А.Арыстанбекова – С.Кенжебаева финалда Италия өкілі Ирене Лавино – жапониялық Хайне Огатамен бас жүлдені сарапқа салды.

Қазақстандық дуэт басты матчта қарсыластарын 6:4, 6:4 есебімен тізе бүктірді. 

Сонымен қатар тағы бір қазақстандық Григорий Ломакин ерлер арасында осы жарыста жұптық сында үздік шықты. Ол ресейлік Павел Вербинмен бірге соңғы бәсекеде доданың 4-ракеткалары, грузиялық Александр Бакши – германиялық Никлас Шелді ұтты – 7:6 (7:1), 6:3. 

Еске сала кетейік, бұдан бұрын Елена Рыбакинаның Штутгарт жарысының жартылай финалына өткенін жазған едік.

Елена Рыбакина Штутгарт турнирінің финалына шығу үшін әлемнің 1-ракеткасымен таласады.