Қазақстандық жеңіл атлет Олимпиаданы 17-орынмен аяқтады
ПАРИЖ. KAZINFORM — Франция астанасы Париж қаласында өтіп жатқан Олимпиада ойындарында қазақстандық жеңіл атлет Дэйзи Джепкемей 10 шақырымға жүгіру финалында сынға түсіп, 17-орынға ие болды.
Ол аталған қашықтықты 31 минут 26.6 секундта жүгіріп өтті.
Айта кетейік, Дейзидің осы қашықтықтағы ең жақсы нәтижесі — 30:52.43 секунд.
Бұл сында 5 мың метрге жүгіруде топ чемпион Беатрис Чебет (Кения) тағы да алтыннан алқа тақты.
Ал күміс жүлдені Еуропа чемпионы Надя Баттоклетти (Италия) еншіледі.
Үздік үштікті Токио Олимпиадасының 2 дүркін чемпионы Сифан Хассан (Нидерланд) түйіндеді.
Аталған жарысқа 25 атлет қатысты. Оның үшеуі мәреге жете алған жоқ.
Естеріңізге сала кетсек, осыған дейін медальдан басты үміткерлердің бірі қазақтың «қара маржаны» атанып кеткен жеңіл атлет Нора Джеруто халықтың үмітін ақтай алмағанын жазған едік.
