Қазақстандық А.Оспанова Түркияда өткен үстел теннисінен жарыста үш медаль жеңіп алды

АСТАНА. ҚазАқпарат - Түркияның Кемер шипажай қаласында ардагерлер арасында үстел үстіндегі теннистен 21-ші халықаралық жарыс өтті. Онда әлемнің 30 елінен жиналған 400-ден астам адам көптеген жанкүйерлеріне өз шеберліктерін көрсетті, деп жазады Sports.kz.

Жарыста екі алтын және бір күміс медальді КСРО спорт шебері, республиканың еңбегі сіңген жаттықтырушысы алматылық Айман Сатқымбайқызы Оспанова жеңіп алды. Ол жеке есепте және жұптық разрядта Лариса Андреевамен (Ресей) ойнап бірінші орын, суперфиналда 2-орын алды.