Қазақстандық Александр Зайчиков - Универсиаданың күміс жүлдегері

АСТАНА. 12 шілде. ҚазАқпарат - Қазандағы Универсиадада қазақстандық ауыр атлет Александр Зайчиков 94 келіге дейінгі салмақ дәрежесінде күміс жүлдеге ие болды, деп хабарлайды Sports.kz.

Қос сайыс қорытындысында Зайчиков 375 келіні еңсерді (168+207). 395 (181+214) келіні бағындырған ресейлік Александр Иванов бас жүлдеге қол жеткізсе, үшінші орынды 372 келі (161+211) көрсеткішімен америкалық Кендрик Джеймс Фаррис иеленді.