Қазақстандық «Әйелдер арасындағы GGG» ең маңызды кездесуін өткізеді
АСТАНА. ҚазАқпарат - 7 шілде күні «Әйелдер арасындағы GGG» атанған қазақстандық кәсіпқой боксшы Аида Сатыбалдинова (3-0-1) осыған дейінгі спорттық мансабындағы ең маңызды кездесуін өткізеді, деп хабарлайды Sports.kz.
«7 шілде күні NABF нұсқасы бойынша әлем чемпионы Селина Барриоспен өте маңызды кездесу жоспарланған. Біздің жекпе-жегіміз бұл кештің басты кездесуі болады. Ол 8 раундқа жоспарланған және Техас штатының Корпус-Кристи қаласында өтеді.
Бұл менің спорттық мансабымдағы ең маңызды кездесу. Сол арқылы мен бокстың жаңа деңгейіне көтерілем», - деп мәлім етті қазақстандық былғары қолғап шебері.
25 жастағы америкалық қыз Селина Барриос (3-0, 1 КО) «Ацтектер патшайымы» деген атпен де белгілі. Ол Аида тең түскен Лиза Портерді ұпай саны бойынша жеңіп кеткен болатын.
