Қазақстандық балуан еркін күрестен халықаралық турнирде жеңіске жетті

БІШКЕК. Наурыздың 16-сы. ҚазАқпарат /Владимир Добровольский/ – Кешегі өткен демалыс күні Бішкекте 1992-1993 жылдары туған балуандар үшін еркін күрестен халықаралық турнир аяқталды,

деп хабарлайды ҚазАқпарат тілшісі.Қырғызстанның еңбек сіңірген жаттықтырушысы Раджап Жанаевты еске түсіруге арналған турнир жүлдесін Қазақстаннан, Қырғызстаннан, Тәжікстаннан және Өзбекстаннан келген спортшылар сарапқа салды. Ең көп медальға қырғыз спортшылары қол жеткізді. Солай болғанымен, 100 киләдан жоғары салмақ дәрежесінде күреске түскен қазақстандық балуан Мамед Ибрагимов жеңіске жеткенін айрықша айта кеткен орынды.