Қазақстандық «Бәріне еркектер кінәлі» комедиясының саундтрегі жарияланды

АСТАНА. ҚазАқпарат - 2 наурызда прокатқа шығатын «Бәріне еркектер кінәлі» отандық комедиясының саундтрегін астаналық «Формат» тобы орындады, деп хабарлады «ҚазАқпарат» ХАА тілшісі.

«Ән махаббат, сұлулық, біздің арулар жайында, әннің жазылғанына көп болды, өзінің сәтін күткен болу керек», - деді автор Қ. Баекенов.

Жобаның продюсері Александр Суслов ротацияға шыққаннан кейін ән елордалық топтың  кезекті хитіне айналатынына сенімді.

Астанада түсірілген фильмнің саундтрегін Астанада 10 жыл бұрын құрылған елордалық «Формат» тобы шырқайды. Бүгін оның қатысушылары Андрей Приль (соққыш аспап), Ербол Тасмамбетов (бас гитара), Виталий Юрчук (бас гитарашы), Ольга Джулдиева (пернелі), Иван Ткаченко (бағдарламалау және гитара), Гүлсiм Мырзабекова (вокал) және Қайрат Баекенов (композитор, әнші, топ жетекшісі). Топтың саз қоржынында 100-ден астам авторлық әндер бар. 
 

Еске салсақ, «Бәріне еркектер кінәлі» көркем фильмі ерлер жоқ әйелдер әлеміне кіріп кеткен үш жігіт жайында. Фильмге белгілі актерлер түскен: Тәуекел Мүсілім, Мұрат Бисенбин, Жәния Джуринская, Сая Оразғалиева, Данияр Алшинов, Наталья Наумова, Әсел Әкбарова және т.б.