Қазақстандық баскетболшылар үздік ондықтың қатарына кіру үшін Үндістан құрамасымен сайысқа түседі -Азия чемпионаты

АЛМАТЫ. Қарашаның 26-сы. ҚазАқпарат /Ерлік Ержанұлы/ - Баскетболдан Малайзияның  Джохор-Бахру қаласында   өтіп жатқан Азия чемпионатында қазақстандықтар   ертең 9-10-шы орындар үшін Үндістан құрамасымен кездеседі,

деп хабарлайды ҚазАқпарат.

 16 жасқа дейінгі жасөспірімдер арасындағы бұл бәсекеде  Борис Борисовтың шәкірттері іріктеу кезеңінде «В»  тобында  3-ші орын алды.   Ал ширек финалда 4-ші топта куәйттіктерге есе жіберіп,  жүлделі орындарға таласу мүмкіндігін қолдан шығарып алды. Енді олар ертең 9-10-шы орын үшін Үндістан құрамасымен сайысқа түсетін болады.