Қазақстандық Бердақ Пірімбаев - Универсиаданың қола жүлдегері

АСТАНА. 11 шілде. ҚазАқпарат - Универсиадада ерлер арасындағы еркін күрестен 55 келіге дейінгі салмақ дәрежесінде Бердақ Пірімбаев қола жүлде жеңіп алды, деп хабарлайды Sports.kz.

Үшінші орын үшін жекпе-жекте қазақстандық балуан 4:0 есебімен ирандық Ясер Хейдарголинежадты жеңіп шықты.

Бұл Қазақстанның бүгінгі екінші медалі, сәл бұрынырақ семсершілер жанкүйерлерді «қоламен» қуантқан.