Қазақстандық боксшы Азат Махметов Ислам ойындарының финалына шықты
АСТАНА. ҚазАқпарат - Қазақстандық боксшы Азат Махметов Бакуде 52 келіге дейінгі салмақта Ислам ойындары финалына шықты, деп хабарлайды ҚазАқпарат.
Жартылай финалда жерлесіміз алжирлік Усама Морджанемен кездесуі тиіс еді, алайда техникалық себептерге байланысты жекпе-жек өтпей қалды.
Ақтық сында Азат мароккалық былғары қолғап шебері Дараа Абделалимен кездеседі.
Еске сала кетейік, 2017 жылдың 12-22 мамыры аралығында Бакуде IV Ислам ынтымақтастық ойындары өтіп жатыр. Оған 54 елден 3500 спортшы қатысып жатыр. Байрақты бәсекеде Қазақстан намысын 5 спорт түрінен 32 спортшы қорғауда. Олар: бокс, дзюдо, таеквондо WTF, еркін және әйелдер күресі.
