Қазақстандық боксшы Б.Шүменов АҚШ-тың былғары қолғап шеберімен жұдырықтасады
АСТАНА. ҚазАқпарат - Кәсіпқой боксшылар 49 жастағы американдық Бернард Хопкинс пен 30 жастағы қазақстандық Бейбіт Шүменовтің арасындағы жекпе-жек 19 сәуір күні АҚШ-та өтеді, деп хабарлайды sports.kz.
Айта кетейік, Бернард Хопкинс IBF нұсқасы бойынша жартылай ауыр салмақта әлем чемпионы атанса, WBA (Super) нұсқасы бойынша жартылай ауыр салмақтағы әлем чемпионы Бейбіт Шүменов болды.
Бұдан бұрын бұл жұдырықтасу Нью-Йорктегі Бруклинде 19 мың адамдық Barclays Center аренасында өтеді деп жоспарланған еді. Енді доданың Вашингтон қаласында өткізілетіні туралы айтылуда.
