Қазақстандық боксшы Берік Әбдірахманов 2016 жылғы Олимпиаданың жолдамасына ие болды
АСТАНА. ҚазАқпарат - Қазақстандық боксшы Берік Әбдірахманов 2016 жылы Бразилияның Рио-де-Жанейро қаласында өтетін Олимпиада жолдамасына ие болды.
AIBA Pro Boxing додасының 60 келідегі финалында Б. Әбдірахманов өзбекстандық Хуршид Торшибаевпен кездесіп, одан басым түсті, деп хабарлады boxingnews.kz. Сегіз раундқа жалғасқан жекпе-жек 3:0 есебімен жерлесіміздің пайдасына шешілді.
Осылайша Берік Әбдірахманов 60 келіге дейінгі салмақ дәрежесі бойынша АРВ чемпионы атанып, 2016 жылы Рио-де-Жанейрода өтетін Олимпиадаға қатысу мүмкіндігіне ие болды.
