Қазақстандық боксшы Қазандағы Универсиадада ¼ финалға шықты

АСТАНА. 6 шілде. ҚазАқпарат - Қазақстандық Айдар Әмірзақов Қазанда өтіп жатқан 2013 жылғы Жазғы универсиадада бокс турнирі аясындағы өзінің алғашқы айқасын жеңіспен аяқтады.

Бұл туралы Vesti.kz хабарлады.
64 келіге дейінгі салмақ дәрежесінде өнер көрсететін Әмірзақов мысырлық спортшы Эслам Мохамедтен басым түсті.
¼ финалда қазақстандық боксшының қарсыласы украиналық Денис Беринчик болады. Жекпе-жек 8 шілде күні өтеді.
Қазақстанның өзге өкілі Бақытжан Қожабековтің (69 келі) алғашқы кездесуі сәтті болмады. Бастапқы турнирде ол Лондондағы Олимпиаданың қола жүлдегері ресейлік Андрей Замковқа 1:2 есебімен жеңілді.