Қазақстандық боксшы Руслан Мәдиев Головкин-Лемье андеркартында жеңіске жетті

АСТАНА. ҚазАқпарат - Нью-Йоркте Madison Square Garden аренасында өтіп жатқан Головкин-Лемье аясындағы шоуда жұдырықтасқан қазақстандық боксшы Руслан Мәдиев жеңіске жетті.

Бірінші жартылай орта салмақта өнер көрсететін 22 жасар Руслан Мәдиев 26 жастағы америкалық Оскар Сантанаға қарсы кездесу өткізген болатын. Жекпе-жек барлық төрт раундқа созылды және қазылардың шешімімен (40:35, 40:35, 39:36) аяқталды. Осылайша, қазақ боксшысы өз мансабында өткізген алты кездесуде алтыншы жеңісіне қол жеткізді. Оның үшеуі - нокаут. Сантана үшін аталмыш жекпе-жек алғашқы жеңіліс болып отыр. Еске салайық, Головкин - Лемье жекпе-жегіне аз уақыт қалды. Бұл кездесуді тікелей эфирде "Қазақстан" телеарнасы көрсетеді. Фото: vk.com/ggolovkin