Қазақстандық боксшы «Сондерс-Лемье» кездесуінің андеркартында жұдырықтасады
АСТАНА. ҚазАқпарат - Қазақстандық боксшы Батыр Жүкембаев орта салмақта WBO нұсқасы бойынша әлем чемпионы Билли Джо Сондерс пен осы салмақта IBF нұсқасы бойынша экс-чемпион, канадалық Дэвид Лемье арасында өтетін жекпе-жектің андеркартында жұдырықтасады. Аталмыш кездесу 16 желтоқсанда Лаваледегі (Канада) Place Bell аренасында өтеді, деп жазады Sports.kz.
Қазақстандық боксшыға қарсы мексикалық спортшы Уилберт Лопес шығады. Оның есебінде 20 жеңіс бар, оның 14-ін мексикалық мерзіміне бұрын аяқтаған. Сондай-ақ 8 рет жеңілген.
