Қазақстандық боксшылар WBA рейтингінде өз орындарын сақтап қалды
АСТАНА. ҚазАқпарт - Бүкіләлемдік бокс қауымдастығы (WBA) барлық салмақ дәрежесіндегі әлем боксшылары рейтингінің жаңартылған нұсқасын жариялады, деп хабарлады Sports.kz.
Жаңартылған рейтингке сәйкес, қазақстандықтар өз орындарында қалды. Бейбіт Шүменов - бірінші ауыр салмақтағы (90,7 килограмға дейін) ТОП-15-те екінші, Қанат Ислам бірінші орта салмақ дәрежесінде (69,85 келіге дейін) оныншы орында, ал Жанат Жақиянов жеңіл салмақ (53,5 келіге дейін) дәрежесіндегі боксшылардың рейтингінде бесінші орынды сақтап қалды.
