Қазақстандық бойжеткен Нью-Йоркте көз жұмды

АСТАНА. ҚазАқпарат - 28 жастағы Қазақстан азаматы Нью-Йоркте болған қайғылы оқиға салдарынан қаза тапты. Бұл ақпаратты ҚР Сыртқы істер министрлігінің баспасөз қызметі растады, деп хабарлайды «ҚазАқпарат» ХАА тілшісі.

«Қайғылы оқиға болды. Нью-Йорктегі қазақстандық дипломаттар мерт болған бойжеткеннің туыстарымен тығыз байланыс орнатып, оның мәйітін Қазақстанға жеткізу бойынша көмек көрсетуде», - деді баспасөз қызметі.

Ведомство оқиғаның мән-жайын ашып айтпады.

Басқа да деректерге қарағанда, бойжеткен қыз Нью-Йоркте жұмыс істеп жүрген.