Қазақстандық дойбышы әлем чемпионатының қола жүлдегері атанды

ОРАЛ. ҚазАқпарат - Дойбы 64-тен жастар арасында Болгарияның Кранево қаласында өткен әлем чемпионатында батысқазақстандық Анель Дәулетова қола жүлдегер атанды, деп хабарлайды ҚазАқпарат тілшісі.

БҚО дене шынықтыру және спорт басқармасынан түскен мәліметке қарағанда, аталмыш додаға әлемнің 24 елінен 270-тен астам дойбышы қатысты.

Орал қаласындағы №2 балалар-жасөспірімдер спорт мектебінде жаттығатын Анель 13 жасқа дейінгілер арасында сынға түсіп, жүлдеге ілікті. Оның бапкері - Әлия Жұмагелдиева.

Айта кетейік, А.Дәулетова биыл Ташкент қаласында өткен Азия біріншілігінің жеңімпазы атанған болатын, сол кезде оған халықаралық дойбы федерациясының спорт шебері сертификаты табыс етілген еді.