Қазақстандық дзюдошы Гран-при турнирінің күміс жүлдегері атанды

НҰР-СҰЛТАН. ҚазАқпарат - Қазақстандық Елдос Жұмақанов дзюдодан Будапеште өтіп жатқан Гран-при турнирінің күміс жүлдегері атанды, деп хабарлайды ҚазАқпарат тілшісі.

Елдос 66 кг салмақта төрт бірдей қарсыласын ұтып, финалға дейін алқынбай жетті.

Аса тартысты өткен соңғы бәсекеде моңғолиялық Херлен Гандболтқа есе жіберді.

Гран-при турнирі сенбі күні де жалғасады.

Еске сала кетейік, бұдан бұрын Елдос Сметовтің Будапеште алтын алғанын жазған болатынбыз.