Қазақстандық файтер қыз Бопай жекпе-жек алдында салмақ өлшеді
НҰР-СҰЛТАН. ҚазАқпарат - Әйелдер арасындағы ММА спортының тәжірибелі өкілі Зәмзәгүл Файзолланова Professional Fighters League турнирінің алдында салмақ өлшеді, деп хабарлайды Sports.kz.
Жекпе-жек 6 мамырда Американың Техас штатындағы Арлингтон қаласында өтеді.
«Бопайдың» қарсыласы - бразилиялық спортшы Ларисса Пачеко.
Бұл - қазақстандық бойжеткеннің АҚШ-тағы алғашқы айқасы.
Қос спортшы жеңіл салмақ категориясында өнер көрсететін болды.
Зәмзәгүлдің салмағы - 69,58 кг, оның қарсыласыныкі - 70,48 кг.
Айта кетейік, Professional Fighters League турнирінің әр дивизионындағы жүлде сомасы - 1 млн доллар.
Ол үшін қатысушылар Гран при иегері атануға тиіс.
