Қазақстандық хоккейшілер 2018 жылғы Олимпиадаға іріктеу турнирінде Норвегияны тізе бүктірді
АСТАНА. ҚазАқпарат - Хоккейден Қазақстан құрамасы Осло қаласында 2018 жылғы Олимпиадаға іріктеу турнирі аясында F тобының алғашқы матчында Норвегия құрамасын жеңіп кетті. Есеп - 4:3, деп жазады Sports.kz.
2 қыркүйек күні Астана уақытымен 20:00-де қазақстандық команда Франция құрамасына қарсы ойнайды. Олар бүгін овертаймда Италияны 2:1-мен жеңді. Кездесуді «Kazsport» телеарнасы тікелей эфирде көрсетеді.
