Қазақстандық хоккейшілер Еурочеллендждің екі кезеңінде ойын көрсетеді
АСТАНА. ҚазАқпарат -Қазақстанның хоккей құрамасы Оңтүстік Корея мен Польшада өтетін Еурочеллендждің екі кезеңінде ойын көрсетеді. Бұл туралы Sports.kz хабарлайды.
Алғашқы кезеңдік жарысты 2017 жылғы 11-17 желтоқсанда Оңтүстік Кореяда өткізу жоспарланған. Оған Қазақстан, Оңтүстік Корея, Польша, Беларусь елдерінің командалары қатыспақ.
Ал екінші кезеңдік жарыс 2018 жылғы 12-18 ақпанда Польшада өтеді. Онда Қазақстан, Италия, Польша, Венгрия елдерінің спортшылары бақ сынайтын болады.
