Қазақстандық «Месси» ел құрамасына шақырылды
АСТАНА. ҚазАқпарат - «Уфа» клубының жас шабуылшысы Еркебұлан Сейдахмет футболдан Қазақстан ұлттық құрамасының сапына шақырылды, деп хабарлайды Sports.kz ресейлік клубтың ресми сайтына сілтеме жасап.
«18 жастағы Еркебұлан Сейдахмет Қазақстан ұлттық құрамасына шақырылды. Қазақстан 1-6 маусым аралығында Астана қаласында оқу-жаттығу жұмыстарын өткізеді. Жиын аясында Әзербайжан құрамасымен жолдастық кездесуі (5 маусым) өтеді», - делінген хабарламада.
Еске сала кетейік, «Қазақтан шыққан Месси» атымен танылған жас футболшы Уфа клубымен ұзақ мерзімді келісімшартқа қол қойғаннан соң екі матч өткізді. 7 сәуірде Туланың «Арсеналымен» өткен ойында (1:2) жарақат алып, бірнеше кездесуге қатыса алмаған болатын.
