Қазақстандық шахматшы Жансая Әбдімәлік әлем чемпионатының қола жүлдегері атанды
АСТАНА. ҚазАқпарат - Ханты-Мансийск қаласында шахматтан 20 жасқа дейінгі жастар арасындағы әлем чемпионатында қыздар арасында Жансая Әбдімәлік үшінші орын иеленді.
Бұл жарыста 10 ұпай жинаған Украина шахматшысы Наталья Букса жеңімпаз атанды. Екінші орында - 13 ұпайдың 9,5 ұпайын жинаған ресейлік Алина Бивол. Үшінші орынды 9,5 ұпаймен Жансая Әбдімәлік жеңіп алды, деп жазады Sports.kz.
Чемпион атағынан басқа, шахматшылар сондай-ақ ұйымдастыру комитетінің жүлде қорын таласқа салды. Оны алған орындарына байланысты әлем чемпионатының ер адамдар мен әйелдер арасындағы жарыстардың жүлдегерлері бөліп алады.
