Қазақстандық шаңғышы әлемдік жастар чемпионатында күміс жүлдегер атанды
АСТАНА. 24 қаңтар. ҚазАқпарат - Қазақстандық спортшы Анастасия Слонова чехиялық Либерецте өтіп жатқан әлемдік жастар чемпионатындағы 10 шақырымдық жеке жарыста күміс жүлде иегері атанды, деп хабарлайды Vesti.kz тілшісі.
Бұл бәсекеде норвегиялық шаңғышы Рагнхильд Хага жеңімпаз атанды. Қазақстан өкілі одан 30 секундтай уақытқа ғана қалып қойды. Жастар жарысында үшінші орынды италиялық Дебора Агрейтер жеңіп алды.
