Қазақстандық студенттер Бейжіңде халықаралық КТК турнирін өткізді (ФОТО)
БЕЙЖІҢ. ҚазАқпарат - Қытайдағы Қазақстан студенттері қауымдастығы ҚХР-дағы ҚР Елшілігімен бірлесіп «Анашым, мен Бейжіңдемін» атты көңілді тапқырлар клубының турнирін ұйымдастырды. Оған ТМД елдерінің студенттері қатысты.
Үш кезеңнің нәтижесі бойынша (сәлемдесу, кино-байқау - «дыбыстау», музыкалық байқау) бірінші орынға «Азия жүрегі» (ТМД түрлі елдерінің студенттерінен құралды), екінші орынға «Чарли періштелері» (ҚР студент қыздары), үшінші орынға «ТМСД - Тәуелсіз мемлекеттер студенттерінің достастығы» құрамасы ие болды.
Еске сала кетейік, шетелдерде 50 мыңнан астам қазақстандық студент білім алуда. Олардың 11 мыңнан астамы ҚХР-да (Бейжіңде - шамамен 4 мың, Үрімжіде - 1250, Шанхайда - 800, Сианда - 700, Гуанчжоуда - 500, Уханда - 400, Нанкин, Ланьчжоу, Харбинде - 150 адамнан, Циндаода - шамамен 100, Құлжада - 150, Шихэцзыда - 100-ге жуық, Сямэнеде - 25 студент).
Соңғы 10 жылда қытайлық ЖОО-ларды 2 мыңға жуық Қазақстан азаматы тәмамдады.
