Қазақстандық суретші Қазмұрат Боштаев АҚШ-ның "GOLDEN EAGLE" жоғары марапатына ие болды

АЛМАТЫ. 14 ақпан. ҚазАқпарат /Нәзира Елеухан/ -Қазақстандық суретші Қазмұрат Боштаев бүкіл әлемнің заманауи суретшілері жиналған байқауда, пейзаж санаты бойынша АҚШ-ның "GOLDEN EAGLE" жоғары марапатын жеңіп алды.

Бұл туралы Халықаралық көрменің жетекшісі Берік Құлмамыров хабарлады.

Оның айтуынша, байқау Нью-Йорк қаласында өткен. «Қазақстан атынан тек Қазмұрат Боштаев қатысты. Байқауға әлемге танымал суретші, Нью-Йорк Көркем сурет академиясының магистрі Томас Легаспи қазылық жасады», -деді ол.