Қазақстандық таеквандошы Нұрсұлтан Мамаев әлемдік Гран-приде алтын иеленді (ФОТО)

АСТАНА. ҚазАқпарат - Манчестер қаласында өткен әлемдік Гран-при жарысының екінші күні қазақстандық таеквандошы Нұрсұлтан Мамаев үшін табысты болды, деп хабарлайды Қазақстан таеквондо федерациясынан.

22 жастағы спортшы 58 келіге дейінгі салмақ дәрежесінде бірінші орынды жеңіп алды, сөйтіп алтын медаль иеленді. Нұрсұлтан бельгиялық Мурад Лахракуиды (9:4) және Си Мохамед Кетбиді (13:8), португалдық Руи Браганканы (6:4) жеңді. Оңтүстіккореялық Ким Тэ Хан онымен күресуден бас тартты. Финалға испандық Тортоса Кабрерамен шығып, негізгі уақытын тең (5:5) есеппен аяқтаған Мамаев, қосымша раундта «алтын ұпайға» ие болды.