Қазақстандық теннисші әлемдік рейтингте 39-орынға көтерілді
НҰР-СҰЛТАН. ҚазАқпарат - Халықаралық үстел теннисі федерациясы (ITTF) әлемдік рейтингті жаңартты. Жаңартылған рейтингте қазақстандық Кирилл Герасименко бірнеше сатыға жоғарылаған, деп хабарлайды Olympic.kz.
Герасименко бұл күндері Мумбаи қаласының UMumba TT клубы сапында сынға түсуде.
Үндістан лигасында сәтті өнер көрсетіп жүрген жерлесіміз 45-сатыдан 39-орынға көтерілген. Қазақстандық спортшы бірнеше халықаралық турнирге қатысады. Бұл оның ITTF рейтингіндегі жағдайын жақсартуға мүмкіндік бермек.
